Ungdom og mote

I dette innlegget skal eg reflektere rundt ein tekst eg har lese om ungdom og mote. Dette er ein oppgåve som eg fekk av norsklæraren min.

Etter å ha lese denne teksten får eg mange tankar inni hovudet mitt. Eg kjenner meg litt igjen og føler at ungdom har blitt påverka på nesten same måte som før med mote. Det er gjennom reklame, vener og generelt det å vere populær. På skulen er det alltid ein populær gjeng, anten det er ein jentegjeng eller gutegjeng som påverkar alle andre med deira nye telefon eller nye dyre klede. I dag er ungdom ei kjøpesterk gruppe som det blir laga reklamar for. Du kan samanlikne gamal ungdom når rock `n` roll var populært med dagens ungdom. Det er også nye trendar som går rundt nå. Jenter pleier å gå med navlen bar og nokon tek til å ha piercing i navlen. Gutar har caps inne og bestemmer sjølv kva dei vil gå med. Det har også vore mange gutar som heldt på med rullebrett, det var på veg til å bli ganske populært, men sport trur eg er meir populært. Det er fordi om mange gutar i tenåra som enno held på med rullebrett og det er ein ungdomskultur.

Sjølv om det finst mykje positivt å seie om ungdom og mote, er det fortsatt noko som kan fiksast. Det eg tenkjer på då er at det kan bli gruppepress. For eksempel viss eg skulle vore i ei jentegruppe kor dei hadde mykje merkeklede, dyre ting og eg ikkje hadde dei tinga kunne eg vorte pressa ut av gruppa. Det er noko som kan øydeleggje dei fleste ungdommar når det gjeldar mote. Det å ikkje ha råd til dyre klede og dyre ting som dei andre ungdomane er heilt greitt meiner eg.

Ungdommen er noko av det viktigaste i livet, det er det vi tar med oss vidare i livet!

Kjelder:

• Ungdom og mote